[美食攻略]
OK 便利店最近出左7支日本特式果汁飲品 , D口味有D都幾特別! 例如以富士山水製成的富士山汽水、靜岡縣綠茶可樂. 普通D的口味就好有靜岡縣士多卑梨同埋山梨縣完熟桃等等. 真係可以做到各取所需呢.
每支係 HKD 15.9, 雖然有DD貴, 不過我地本住好奇心, 去嘗試下新野. 話哂咁有新鮮感, 唔飲下, 好似對唔住自己咁.
呢兩日飲左富士山汽水、靜岡縣士多卑梨、山梨縣提子同埋靜岡縣橙. 佢地話就話係果汁, 其實都係最多得10%果汁咋. 所以唔好以為有成幾十個巴仙係果汁呢.
先講富士山汽水, 是否富士山水製造而成就不得而知. 不過飲落去, 真係好似飲緊 Pepsi 呀! 個味有80%相似!!
而靜岡縣士多卑梨都OK, 起碼唔會似藥水咁怪.
不過之後的山梨縣提子就幾難飲啦....得個甜字!!
暫時為止, 我地最喜歡係靜岡縣橙. 唔太酸又唔太甜. 味道剛好!
Try 左四支, 其實真係好似飲緊汽水咁. 不過如果大家喜歡try 新products, 可以一飲. 當然, 期望不要過高呀!
各大OK 便利店
HKD15.9 @
Search